پٽڻ جو دڙو: عمرڪوٽ ضلعي جي ساماري تعلقي ۾ واقع هي دڙو ساماري روڊ جي ڏکڻ ۾ ليلان جي ڀڙي کان ٽن ڪلوميٽرن جيتري پنڌ تي آهي. ليلان جو ڀڙو ساماري شهر ۽ ساماري روڊ جي وچ تي آهي. جتي مشهور بزرگ ’حسن باغبان‘ دفن ٿيل آهي. دڙي تان هٿ ايندڙ وٿون اسلامي دور جون آهن. هتان ڪاشيءَ جي سرن جا ٽڪرا، ٺڪراٺو، چوڙين جا ٽڪر ۽ بعضي سڪا به ملن ٿا. هن ماڳ جي چوڌاري ڪي ٻيا اسلامي دور جا ماڳ ۽ اهڃاڻ به ملن ٿا. جهڙوڪ: ليلان جي ماڙي، ڪئونرو جي ماڙي، ليلان جي ڪَنڊي، ليلان جي ترائي، ليلان وارو پڙ وغيره.ڪن تاريخدانن پٽڻ جي بدران ’پتپڻ‘ يا ’پٽپڻ‘ به ڪري لکيو آهي.